အိမ်မှာ လုပ်ငန်းတွေ လုပ်လို့ စက်ပစ္စည်းတွေ ထပ်ဝယ်ရင် လက်ရှိ ဝါယာကြိုး နဲ့ အဆင်ပြေမပြေ လဲစရာ လိုမလို စတာတွေကို သေချာ စဉ်းစားဖို့ လိုပါတယ်။ အဲလို စဉ်းစားတဲ့ အခါမှာလည်း တတ်သိ နားလည်သော အဖွဲ့အစည်းနှင့် ဆောင်ရွက်သူတွေကို တိုင်ပင်ပြီး ပြုလုပ်ဖို့ လိုပါတယ်။ တစ်ခါတစ်ရံ အရောင်းဝန်ထမ်းက ရတယ်ပြောတာနဲ့ ဝယ်ပြီး အသုံးပြု တဲ့ အခါတွေလည်း ရှိခဲ့ဖူးကြမှာပါ။ ပိုက်ဆံ ပိုကုန်သွားပြီး ပိုမို လုံခြုံစိတ်ချ သွားတယ် ဆိုရင်တော့ ပြသနာ မရှိပေမယ့် တစ်ခါတစ်ရံမှာ အရည်အသွေး မပြည့်မီတဲ့ ပစ္စည်းတွေကြောင့် လုပ်သင့် လုပ်ထိုက်တဲ့ အလုပ်ကို ပုံမှန် မလုပ်လို့ အန္တရယ် ဖြစ်ကြတာတွေ အပုံကြီး တွေ့မြင်ကြမှာပါ။
ဝါယာကြိုးကို အဓိက အားဖြင့် ပါဝင်တဲ့ ဝါယာကြိုး အရွယ်အစား အကြီး အသေးနဲ့ ပါဝင်တဲ့ အရေအတွက် အနည်းအများ အပေါ် မူတည်ပြီး အမြင့်ဆုံး ခံနိုင်ရည်အားကို စဉ်းစားရလို့ပါ။ ဥပမာ - 7/0.044 (ဆဲဗင်း အိုဖိုးဖိုး) လို့ခေါ်တဲ့ အသုံးများတဲ့ မီးကြိုးမှာဆိုရင် 0.044 လက်မ အချင်းရှိတဲ့ ကြေးနီ ဝါယာကြိုး 7 ကြိုး တစ်ပြိုင်နက်တည်း တွဲဆက်ထားတာ ဖြစ်ပါတယ်။ ပုံမှန်အားဖြင့် ကြေးနီ ဝါယာကြိုး တစ်ချောင်းဟာ 5 Amps လောက် ခံနိုင်ရည် ရှိတဲ့အတွက် ဟောဒီ 7/0.044 မီးကြိုးစား 35 Amps စီးဆင်းမှုကို ခံနိုင်ရည် ရှိတယ် ဆိုပြီး မှတ်ယူလို့ ရပါတယ်။ ဒါပေမယ့် တရုတ် ပစ္စည်းတွေ အရည်အသွေး မပြည့်ဝတတ်တာ၊ ကိုယ်သုံးမယ့် နေရာရဲ့ အပူချိန်က သာမာန်ထက် ပိုအေး၊ ပိုပူတတ်တာတွေကို ထည့်သွင်း တွက်ချက်ပြီး အဲဒီ ဝါယာကြိုးဟာ အမြင့်ဆုံး 30 Amps လောက်သာ ရှိတဲ့ စက်တွေ မှာပဲ သုံးဖို့ အကြံပြုလိုပါတယ်။ အောက်က ဇယားလေးမှာ ပြန်ပြီး နှိုင်းယှဉ်ကြည့်လို့ ရပါတယ်။
